Kæra félagsfólk!
Nú er komið að því að skrá sig í námsferð okkar til Belfast! Neðar í þessari frétt er linkur þar sem hægt er að skrá sig.
Lengd ferðarinnar er fimm nætur, farið verður 8. júní, flogið til Dublin, rúta til Belfast að hóteli og til baka 13. júní 2023 til Íslands.
Yfirskrift námsferðarinnar er "Belfast - Lýðræði, umrót og átakamál"
Markmiðið er:
Að kynnast samfélagi og menningu Norður Írlands
Að fá innsýn í stjórnmálalegt umrót landsins (tengsl við Írland, England og ESB) og réttindabaráttu kaþólikka og mótmælenda
Að fá fræðslu um hvernig kennslu álitamála er háttað í framhaldsskólum í Belfast og fræðslu um skipan menntamála í landinu
Að kennarar tileinki sér færni í að miðla fræðslu og kennslu þegar viðfangsefnið er álitamál og ólík sjónarhorn félagslegra, menningarlegra, efnahagslegra og pólitískra málefna
Við höfum fengið tilboð í ferðina, og gerum ráð fyrir 20-30 manns.
Kr. 155.800 í tvíbýli/ kr. 213.950 í einbýli.
Ferðakostnaður er styrkhæfur úr B-deild Vísindasjóðs FF.
Það er mikilvægt að skrá sig sem fyrst - frestur til að skrá sig er til 1. mars 2023.
Sendum nánari dagskrá þegar nær dregur.
Kærar kveðjur
F.h. ferðanefndar
Rósa