Félag félagsfræðikennara er fagfélag kennara sem kenna samfélagsgreinar í framhaldsskólum. Í því eru kennarar úr öllum framhaldsskólum landsins. Starfsemi félagsins miðast við að efla og styrkja kennslu í samfélagsgreinum með því að vera samstarfs- og samskiptavettvangur kennaranna.
Félagsmenn í Félagi félagsfræðikennara í framhaldsskólum eru tæplega 80 talsins (2021). Allir sem kenna félagsfræði eða nátengdar greinar í framhaldsskólum geta gerst félaga.
Könnun og fundur félagsfólks: Við sendum út könnun um daginn og langar að fylgja henni eftir með fundi með sem flestum félögum í sem flestum skólum. Hugmyndin er sú að við hittumst og ræðum fagið okkar, námsbækur, áherslur og fleira, einskonar hugmyndafundur þar sem við skiptumst á hugmyndum og reynslu. Fundartími er mánudaginn 12. febrúar 2024 kl. 16.30 – 18.00 og yrði á Teams. Það er mikilvægt að öll sjái sér fært að taka þátt og mæta!
Þau sem eiga eftir að svara könnuninni geta gert það hér, öll innlegg vel þegin! Könnun
Við sendum síðan fundarboð fljótlega á fund 12. febrúar 2024 kl. 16.30 á ykkur öll – hlökkum til að sjá ykkur!
Kær kveðja
stjórnin
Ágæta félagsfólk!
Eins og þið mögulega hafið heyrt um þá verður 1.mars n.k. Starfsþróunardagurinn þar sem 21 framhaldsskóli tekur þátt. Félagsgreinar verða með aðsetur í Kvennó, en kennarar dreifast á skóla eftir fögum. Dagskráin er eftirfarandi:
Dagskrá
9:00 - Boðið upp á morgunverð og gengið um viðkomandi skóla.
10:00 – Nokkur innslög sem eiga við alla þátttakendur. Þessi innslög verða öll á youtube.com og um þau sjá skipuleggjendur dagsins.
11:20 – Aðalfyrirlesari. Einn (eða fleiri) fyrirlesarar sem fjalla um áhugavert málefni fyrir viðkomandi hóp í hverjum skóla.
13:00 – Málstofa/Fyrirlestrar. Tveir til fjórir fyrirlesarar í hópi þátttakenda fjalla um áhugaverð málefni í sínu starfi/skóla.
14:20 – Umræðutími. Þátttakendur skiptast á hugmyndum og skoðunum og ræða málefni dagsins.
15:20 – Lok dagskrár í skólunum.
20:00 – Mannfagnaður í Fjölbrautaskólanum við Ármúla.
Nú köllum við eftir hugmyndum frá ykkur, um hvað væri áhugavert að ræða eða taka fyrir, og einnig ef einhver hafa áhuga á að vera með erindi um eitthvað sem tengist starfsþróun, það er þá undir dagskrárlið milli kl. 13 og 14.20. Áhugasöm með hugmyndir og/eða erindi sendið okkur tölvupóst