Lög Félags félagsfræðikennara í framhaldsskólum
Lögin félagsins voru upphaflega samþykkt á stofnfundi þess þann 14. desember 1977, breytt á aðalfundi 24. október 2008
og breytt á aðalfundi 25. ágúst 2023:
:
1. gr.
Félagið heitir Félag félagsfræðikennara í framhaldsskólum.
2. gr.
Markmið félagsins eru að:
1. efla samskipti meðal samfélagsfræðikennara
2. stuðla að því að kennarar taki virkan þátt í að móta kennsluna, inntak hennar og aðferðir
3. fylgjast með þróun mála í samfélagsfræðikennslu heima og erlendis
4. efna til ráðstefna og námskeiða
5. leita tengsla við aðra aðila er kunna að sýna málefnum félagsins áhuga
6. láta sig skipta menntun samfélagsfræðikennara og auka skilning skólayfirvalda á framhaldsmenntun og gildi hennar.
3. gr.
Félagssvæðið er landið allt.
4. gr.
Starfandi samfélagsfræðikennarar í framhaldsskólum geta orðið félagsmenn
5. gr.
Stjórn félagsins og skoðunarmaður reikninga eru kosin á aðalfundi til tveggja ára í senn. Stjórn félagsins skal skipuð þremur til fimm einstaklingum.
Einnig skal kjósa tvo varamenn. Stjórn félagsins er: formaður, gjaldkeri, ritari og mögulega einn til tveir meðstjórnendur.
Stjórnin skiptir með sér verkum á fyrsta stjórnarfundi eftir aðalfund.
6. gr.
Aðalfundur skal haldinn ekki sjaldnar en á tveggja ára fresti. Á dagskrá skal vera:
1. Skýrsla stjórnar
2. Endurskoðaðir reikningar lagðir fram
3. Kosning stjórnar
4. Önnur mál
7.gr .
Stjórnin boðar til fundar, samkvæmt eigin ákvörðun eða að ósk minnst 10 félagsmanna. Alla fundi skal boða með minnst viknu fyrirvara.
Aðalfund skal boða með minnst 2 vikna fyrirvara.
8. gr.
Einfaldur meirihluti mættra félagsmanna ræður úrslitum mála á fundum.
9. gr.
Árgjöld félagsmanna eru ákveðin á aðalfundi. Aðrar tekjur félagsins eru frjáls framlög og styrkir.
10. gr.
Lögum þessum má aðeins breyta á aðalfundi félagsins enda hafi breytingarnar verið kynntar í fundarboði eða sendar inn af félagsmönnum með viku fyrirvara.
