”Námsferð erlendis, Belfast Norður Írlands júní 2023 – komdu með!

 Nú er komið að því að halda í námsferð erlendis og við stefnum á ferð til Belfast Norður Írlands í byrjun júní 2023!

Skipulagning er hafin, leita tilboða í ferð og hótel, sækja um ráðstefnustyrk til að halda námskeið erlendis og heyra í samstarfsfólki úti. 

Við auglýsum eftir áhugasömum til að vera með okkur í ferðanefnd, sendið formanni félagsins póst This email address is being protected from spambots. You need JavaScript enabled to view it. ! 

Við viljum hvetja ykkur til að taka tímann frá og koma með í námsferð til Belfast.

Nánari upplýsingar og skráningarform verður sent út fljótlega til að áhugasöm geti skráð sig í ferðina.

Við erum að bíða eftir tilboði í ferðina frá ferðaskrifstofu og sendum út um leið og þær upplýsingar liggja fyrir. Bendum á að hægt er að sækja um styrk vegna ferðar og gistingar í B deild Vísindasjóðs KÍ.”

Kær kveðja

Rósa

Vormálþing - Jafnrétti, kynjafræði og kennarinn

Fimmtudaginn 31. mars 2022 stóð félagið fyrir málþingi fyrir félagsmenn. Yfirskrift málþingsins var Jafnrétti, kynjafræði og kennarinn. Fjallað var um kynjafræði í háskólanum og tenging skólastiga skoðuð. Hverjar eru hugmyndir háskólasamfélagsins um kynjafræðikennslu á framhaldsskólastigi, sem og stöðu kennarans, aðferðir, leiðir og bjargir við að nálgast efnið. Við ræddum einnig kynjamisrétti og valdastétt.

Þorgerður Einarsdóttir, prófessor við Háskóla Íslands, hélt erindi á fundinum.

Að loknu erindi sköpuðust góðar umræður og var þátttakendum síðan skipt í umræðuhópa um kynjafræði og stöðu kennarans, áskoranir og aðferðir við kynjafræðikennslu.

Í ljósi umræðunnar undanfarin misseri hefur aukin áhersla verið á mikilvægi kynjafræðikennslu. Kynjafræði er kennd í fjölmörgum framhaldsskólum landsins og margir skólar hafa tekið fagið upp sem skyldufag. Félag félagsfræðikennara í framhaldsskólum beindi sjónum sínum að kynjafræði og kennaranum á fagfundi ársins og ætlar einnig að gera það á sumarnámskeiði félagsins í ágúst 2022.

Dagskrá fundarins hljóðaði svo:

16.15 Gunnvör Rósa formaður FFF setti fundinn

16.30 - Erindi Þorgerðar Einarsdóttur, prófessor í kynjafræði við Háskóla Íslands

17.00 - 17.30 Umræður

17.30 - 18.10 Heimskaffi

18.15 Samantekt

Málþingið fór fram í fundarsal KÍ, Borgartúni 30.

Boðið var upp á kaffi og meðlæti á meðan fundi stóð og hluti gesta fór á veitingastað í nágrenninu eftir fundinn.

Sjá myndir af málþinginu hér: 

Ráðstefna EuroClio í Bologna 2022

Félagið fékk styrk frá SEF fyrir árlegri ráðstefnu Euroclio. Rósa formaður og Júlía ritari héldu á ráðstefnu Euroclio í lok apríl 2022. Ráðstefnan var haldin í Bologna dagana 28. apríl til 1. maí. Ráðstefnan féll niður árin 2020 og 2021 og var því mikil eftirvænting meðal þátttakenda að hittast loks til að bera saman bækur og ræða sögu- og félagsgreinakennslu.

Yfirskrift ráðstefnunnar var What is history for?

Dagskrá ráðstefnunnar var þétt með fyrirlestrum, vinnustofum, spilakvöldi, barsvari, hátíðarkvöldverði og söguferð um borgina sem nemendur í ensku og sagnfræði við háskólann í Bologna leiddu. Ellefu Íslendingar sóttu ráðstefnuna, þar á meðal Lóa Steinunn Kristjánsdóttir félagsfræðikennari í MS og fyrrum forseti Euroclio.

Hér er slóð á samantekt Euroclio frá ráðstefnunni   og hér er greinargerð stjórnar um ferðina.

Fróðleg og skemmtileg ráðstefna í alla staði.   Sjá myndir hér.

Vormálþing 2022

Fimmtudaginn 31. mars stóð félagið fyrir málþingi fyrir félagsmenn. Yfirskrift málþingsins var Jafnrétti, kynjafræði og kennarinn. Fjallað var um kynjafræði í háskólanum og tenging skólastiga skoðuð. Hverjar eru hugmyndir háskólasamfélagsins um kynjafræðikennslu á framhaldsskólastigi, sem og stöðu kennarans, aðferðir, leiðir og bjargir við að nálgast efnið. Við ræddum einnig kynjamisrétti og valdastétt.

Þorgerður Einarsdóttir, prófessor við Háskóla Íslands, hélt erindi á fundinum.

Að loknu erindi sköpuðust góðar umræður og var þátttakendum síðan skipt í umræðuhópa um kynjafræði og stöðu kennarans, áskoranir og aðferðir við kynjafræðikennslu.

Í ljósi umræðunnar undanfarin misseri hefur aukin áhersla verið á mikilvægi kynjafræðikennslu. Kynjafræði er kennd í fjölmörgum framhaldsskólum landsins og margir skólar hafa tekið fagið upp sem skyldufag. Félag félagsfræðikennara í framhaldsskólum beindi sjónum sínum að kynjafræði og kennaranum á fagfundi ársins og ætlar einnig að gera það á sumarnámskeiði félagsins í ágúst 2022.

Dagskrá fundarins hljóðaði svo:

16.15 Gunnvör Rósa formaður FFF setti fundinn

16.30 - Erindi Þorgerðar Einarsdóttur, prófessor í kynjafræði við Háskóla Íslands

17.00 - 17.30 Umræður

17.30 - 18.10 Heimskaffi

18.15 Samantekt

Málþingið fór fram í fundarsal KÍ, Borgartúni 30.

Boðið var upp á kaffi og meðlæti á meðan fundi stóð og hluti gesta fór á veitingastað í nágrenninu eftir fundinn.