Miðvikudagur, 10. janúar 2018 - 10:30

Samtal við samfélagið

Í hlaðvarpi Kjarnans  eru félagsfræðingar í lykilhlutverkum. Þar má finna fjölbreytta þætti um allt frá pólitík til heiðarlegs skyndibita eða nýjustu græjunnar. Í fyrsta þættinum er samtal Sigrúnar Ólafsdóttur og Jóns Gunnars Bernburg, prófessora í félagsfræði við Háskóla Íslands um hið félagsfræðilega sjónarhorn og hvernig það eykur skilning okkar á almennum félagsmálum. Hvernig félagsfræðin hjálpar okkur að sjá hlutina í nýju ljósi. 
 
Þættina finnið þið hér: https://kjarninn.is/hladvarp/samtal-vid-samfelagid/ 

Miðvikudagur, 10. janúar 2018 - 10:30

Fréttabréf 2017

Félagi góður

Ráðstefna og aðalfundur
Aðalfundur félagsins var haldinn 28. apríl í FÁ í beinu framhaldi ráðstefnu um mannlíf og menningu á Kúbu (Tinna Þórudóttir Þorvaldar ) og um virkni og ábyrgð nemenda (Hjördís Þorgeirsdóttir). Ráðstefnuna sóttu 18 félagar og aðalfundinn 14. Dagskrá aðalfundarins var með hefðbundnum hætti: Skýrsla stjórnar, ársreikningar, stjórnarkjör og önnur mál. Boðið var upp á afmælisveitingar bæði á ráðstefnunni og á aðalfundinum enda er félagið 40 ára nú á árinu.
Skýrsla stjórnar: Skýrslu stjórnar má sjá á heimasíðu okkar: http://felfel.is/node/384 
Ársreikningar: Björk kynnti ársreikninga sem voru samþykktir.           
Stjórnarkjör: Hannes (FÁ), Björk (Kvennó) og Guðmundur (FG) voru endurkjörin í aðalstjórn. Í varastjórn voru kjörin Þórunn Steinsdóttir (MS) og María Ben Ólafsdóttir (FSu). Erlingur Hansson er endurkoðandi félagsins.  
Önnur mál.
Undir liðnum „önnur mál“ var fjallað um fjölda mörg erindi en helst var fjallað um væntanlegt sumarnámskeið. Samþykkt var að félagið gangi í Euroclio en sótt hafði verið um það með fyrirvara um samþykkt aðalfundar. Innganga okkar í samtökin hefur verið samþykkt af þeirra hálfu. Euroclio eru samtök kennara í sögu, menningu og borgaravitund og margir félagsfræðikennarar hafa sótt ráðstefnur samtakanna.
Sjá http://euroclio.eu/association/
Endurmenntunarnámskeið og fyrirhuguð ráðstefna
Sumarnámskeið okkar verður haldið á Kúbu 2.-9. júní. Þáttakendur hafa fengið flugmiða en flogið verður frá Keflavík á föstudaginn kl. 10:30. Þátttakendur bera ábyrgð á að mæta tímanlega.
Stefnt að endurmenntunarnámskeiði um flóttamenn nú í haust. Námskeiðið verður haldið í samvinnu við Amnesty International.
Starf stjórnar
Aðalstjórn hélt fyrsta stjórnarfund þann 17. maí. Hún skipti með sér verkum og er verkaskipting eins og áður: Hannes formaður, Björk gjaldkeri og Guðmundur ritari. Varamenn verða boðaðir á aðra stjórnarfundi.
Kær kveðja
Fyrir hönd stjórnar
Hannes

Euroclio logo

sunnudagur, 12. nóvember 2017 - 12:15

Euroclio

Félagi góður
Félag félagsfræðikennara gekk nýverið í samtökin Euroclio
Euroclio halda árlega ráðstefnu sína um leið og samtökin halda upp á 25 ára afmæli.
Ráðstefnan (undir yfirheitinu “Mediterranean Dialogues: Teaching History beyond our Horizons” verður haldin 21-26, apríl á næsta ári.
 
Hér að neðan er að finna helstu upplýsingar um ráðstefnuna: 
Addressed to: The Association of Sociology Teachers in Secondary Schools in Iceland

Dear Hannes Ísberg Ólafsson,

I hope this message finds you well. I am contacting you with a request to disseminate our Call for Registrations for the 25th EUROCLIO Annual Conference “Mediterranean Dialogues: Teaching History beyond our Horizons”, which takes place from 21-16 April 2018 in Marseille, France. We would appreciate it if you could circulate the call to the members and relevant networks of The Association of Sociology Teachers in Secondary Schools in Iceland.

You can find the call for registrations below this message, and via the following link (.pdf): https://gallery.mailchimp.com/c4987b64709292ec40a6665eb/files/93b107db-03a1-45e5-a281-07d44cf7ff37/Call_for_Registrations_Mediterranean_Dialogues.pdf.

In addition, we would be grateful if you could let us know whether the call was circulated, and to how many individuals (approximately). This is important for us to determine the reach of our members’ networks.

Thank you very much in advance.

Kind regards,

Jaco Stoop
Secretariat, Network Coordinator

Föstudagur, 10. nóvember 2017 - 15:30

Vinnustofa um mannréttindakennslu og flóttafólk

Félag félagsfræðikennara í framhaldsskólum hefur í samvinnu við Íslandsdeild Amnesty International skipulagt vinnustofu fyrir kennara.

Staður: Kvennaskólinn í Reykjavík, Miðbæjarskólinn 
Dagskráin er eftirfarandi: 
Kennslufræðileg sýn Amnesty 
Mannréttindakennsla 
Herferðir Amnesty og málefni flóttafólks 

Vala Ósk Bergsveinsdóttir fræðslustjóri Amnesty á Íslandi kynnir kennsluefni um mannréttindi og flóttafólkl. Á vinnustofunni fáum við tækifæri til að spyrja og ræða ákveðin málefni tengd flóttamannamálum en ekki hvað síst að prófa kennsluefni sem Amnesty hefur uppá að bjóða. 

Við biðjum alla um að koma með far- eða spjaldtölvu með sér á vinnustofuna svo við getum öll prófað kennsluefnið. Eftir vinnustofuna verður léttur kvöldverður í boði félagsins. 

Athugið að hægt er að fá ferðakostnað innanlands greiddan. Um er að ræða ákveðnar hámarksupphæðir á mann, sjá upplýsingar neðst á þessari síðu hér: https://www.rannis.is/sjodir/menntun/sef/styrkir-vegna-sumarnamskeida/. Björk gjaldkeri félagsins sér um að greiðslur til þátttakenda, netfangið er This email address is being protected from spambots. You need JavaScript enabled to view it.

Fimmtudagur, 18. maí 2017 - 12:15

Skýrsla stjórnar 2015-2017

Skýrsla stjórnar Félags félagsfræðikennara í framhaldsskólum tímabilið 8. maí 2015 – 28. apríl 2017

Síðasti aðalfundur félagsins var haldinn 8. maí 2015 á Sægreifanum. Björk fór yfir ársreikninga og voru þeir samþykktir. Hannes kynnti skýslu stjórnar. 

Í stjórn félagsins voru endurkjörin Hannes Í Ólafsson FÁ, Björk Þorgeirsdóttir, Kvennó og Guðmundur Gíslason FG. Hulda Ragnarsdóttir FB var kjörin í varastjórn. Erlingur Hansson var endurkjörinn endurskoðandi félagsins. 

Undir liðnum önnur mál var rætt um tilhögun sumarnámskeiða og sérstaklega þá væntanlega komu Dr. Hafez til landsins, að setja meira efni á heimasíðu félagsins, að endurskoða þyrfti póstlista og frammistöðu framhaldsskóla samkvæmt könnun um Stofnun ársins 

Fyrsti fundur stjórnar var haldinn 25. sept. Stjórnin skipti með sér verkum: Hannes Í Ólafsson formaður, Björk Þorgeirsdóttir gjaldkeri og Guðmundur ritari. 

Á tímabili núverandi stjórnar hafa verið haldnir ellefu skráðir stjórnarfundir og nokkrir óskráðir. Tímabilið nú einkenndist að nokkru af því að í upphafi þess var tekið upp nýtt vinnumat í skólum og kennarar höfðu í nógu að snúast á sínum vinnustað.

Helstu verkefni stjórnarinnar voru: 

Sumarendurmenntunarnámskeið 13.-14. ágúst 2015: Mannréttindi, minnihlutahópar og forréttindastöður. Fyrri daginn hélt Dr. Kai Hafez prófessor við Erfurt háskólann í Þýskalandi erindi og vinnustofu um Isalmophobiu og síðari daginn fjölluðu Auður Magndís Auðardóttir og Súsanna Margrét Gestsdóttir um mannréttindi. 37 kennarar voru skráðir á námskeiðið.

Námskeið á Sólon 5. mars 2016 um samtal kennara og nemenda. Umsjón með námskeiðinu hafði Bjarni Snæbjörnsson leiklistarkennari við FG.

Sumarendurmenntunarnámskeið 11. og 12. ágúst 2016: Fjötrar upplýsingasamfélagsins og námsmat.  Fyrri daginn fengum við fjóra fyrirlesara sem fjölluðu um ólíkar hliðar upplýsingasamfélagsins og síðari daginn sögðu átta félagar frá fjölbreyttu námsmati sem þeir nota. 30 kennarar voru skráðir á námskeiðið.

Ráðstefnan sem haldin var í dag 28. apríl 2017 en þar var fjallaði Tinna Þórudóttir Þorvaldar um stjórnmál og menningu á Kúbu og Hjördís Þorgeirsdóttir um virkni og ábyrgð nemenda í námi sínu.

Loks ber að nefna að stjórnin ber ábyrgð á skipulagningu þessa aðalfundar.

Mestur tími stjórnar fer í að undirbúa ráðstefnur og endurmenntunarnámskeið. Stjórn félagsins er nú í samstarfi við Amnesty International um að Amnesty efni til námskeiðs fyrir okkur næsta haust um mannréttindi og flóttamenn. Allmikill tími fer svo í að semja umsóknir um styrki. Á síðustu árum hafa fagfélög framhaldsskólakennara fengið árlega 150.000 kr. styrk frá menntamálaráðuneytinu. Þessi styrkur var aflagður á þessu ári og fær félagið því ekki fé til að halda uppi venjubundnu starfi. Félagið þarf fyrr eða síðar væntanlega að bregðast við fjárskorti.

Félagið fær þó styrki frá Rannís í gegnum SEF (Samstarfsnefnd um endurmenntun framhaldsskólakennara). Styrkirnir frá Rannís eru notaðir í ráðstefnuhald og endurmenntunarnámskeið. Framangreind námskeið og ráðstefnur voru þannig allar styrktar af Rannís. Einnig fengu ritari og gjaldkeri styrk til að fara á ráðstefnur Euroclio í Belfast og í San Sebastian árin 2016 og 2017. 

Stjórn félagsins hefur nú sótt um og fengið aðild að Euroclio með þeim fyrirvara að aðalfundur okkar nú samþykki það. Tillaga um aðildina að Euroclio verður lögð fram undir liðnum önnur mál.

Fyrir utan starf stjórnar við félagsfundi, ráðstefnur og námskeið þá hefur hún rætt um nýja vinnumatið og áhrif þess á stöðu félagsgreina og unnið að viðhaldi heimasíðu félagsins. Formaður félagsins sækir árlega samstarfsfundi SEF og fulltrúi stjórnar sækir árlega fund með skólamálanefnd Félags framhaldsskólakennara.

Starfið í félaginu er ekki aðeins á herðum stjórnarinnar. María Hjálmtýsdóttir hefur átt stærstan þátt í samskiptum okkar við Kúbumenn um endurmenntunarnámskeiðið þar í júní. Aðrir félagar hafa síðan komið að undirbúningi ráðstefna og endurmenntunarnámskeiða.
 

Reykjavík, 28. apríl 2017

Hannes Í Ólafsson